మోటో జి సిరీస్‌లో మోటో జి ఎస్‌, మోటో జి ప్లస్‌ స్మార్ట్‌ఫోన్లను మోటోరోలో మార్కెట్లోకి తీసుకువచ్చింది. మోటోరోలా మొబిలిటీ ఇండియా మేనేజింగ్‌ డైరెక్టర్‌ సుధీన్‌ మాథూర్‌, ప్రొడక్ట్‌ హెడ్‌ అనుజ్‌ శర్మ ఈ ఫోన్లను విడుదల చేశారు. జి ఎస్‌ ప్లస్‌ ధర 15,999 రూపాయలుండగా, జి ఎస్‌ ధర 13,999 రూపాయలుగా ఉంది. బుధవారం నుంచి ఇ-కామర్స్‌ పోర్టల్‌ అమెజాన్‌, మోటో హబ్స్‌లో ఈ స్మార్ట్‌ఫోన్లు అందుబాటులో ఉంటాయని మోటోరోలా వెల్లడించింది. జి ఎస్‌ ప్లస్‌, జి ఎస్‌ స్మార్ట్‌ఫోన్లతో మోటో జి పోర్టుఫోలియోను మరింతగా విస్తరించినట్లు తెలిపింది. పూర్తి మెటల్‌ బాడీతో రూపొందించిన ఈ స్మార్ట్‌ఫోన్లు కేవలం 15 నిమిషాల టర్బో పవర్‌ చార్జింగ్‌తో ఐదు గంటల పాటు బ్యాటరీ పనిచేస్తుందని పేర్కొంది. మోటో జి5, జి5 ప్లస్‌ స్మార్ట్‌ఫోన్లకు ఇవి పూర్తిగా అప్‌గ్రేడెడ్‌ మోడల్స్‌ అని తెలిపింది.
జిఎస్‌ ఫీచర్లు.,,
- 5.2 అంగుళాల ఫుల్‌ హెచ్‌డి డిస్‌ప్లే
- 1,4 గిగాహెట్జ్‌ క్వాల్‌కామ్‌ స్నాప్‌డ్రాగన్‌ ఆక్టాకోర్‌ ప్రాసెసర్‌
- 4జిబి రామ్‌, 32 జిబి అంతర్గత మెమరీ
- 16 మెగాపిక్సల్‌ హై రిజల్యూషన్‌ కెమెరా
జిఎస్‌ ప్లస్‌ ఫీచర్లు..
- 5.5 అంగుళాల ఫుల్‌ హెచ్‌డి డిస్‌ప్లే
- క్వాల్‌కామ్‌, స్నాప్‌డ్రాగన్‌ 2.0 గిగాహెట్జ్‌ ఆక్టాకోర్‌ ప్రాసెసర్‌
- 4జిబి రామ్‌, 64 జిబి అంతర్గత మెమరీ
- రెండు 13 మెగాపిక్సల్‌ వెనుక కెమెరాలు, 8 ఎంపి ముందు కెమెరా
- 3000 ఎంఎహెచ్‌ బ్యాటరీ